Asel Luzarraga Bilbon jaio zen, 1971an, eta Bermeon bizi da gaur egun. Enpresa Ikasketak eta Euskal Filologia burutu ondoren, irakaskuntzan jardun du orain arte, Euskara eta Literatura irakasten. Urte hauetan hainbat ipuin argitaratu ditu zenbait aldizkaritan, baina Hamaika ispilu ganbil (Labayru, 2003) eta Karonte (Elkar, 2005) eleberriak dira bere lanik aipagarrienak. Azkenarekin VI. Igartza saria irabazi zuen 2003an. Fikzioaz gain, teoria ere landu du, Eleberria lantzeko gida lanean (EIE, 2005).
Bere jarduera gehienak literaturaren ingurukoak badira ere, musikan ere aritu da azken urteotan, Punkamine taldean.

-----------