Joxemari Iturralde (Tolosa, 1951). Iruñean egin zuen Lenguas Románicas-en lizentziatura (1973) eta handik Bizkai aldera mugitu zen. Bilbon POTT banda literarioa osatu zuen (1977) beste idazle batzuekin batera. Euskara eta Euskal Literaturako katedraduna da (1985), "Orixe" Institutuan. Ia hogeita hamar urte dira idazten eta argitaratzen hasi zenetik eta sari bat baino gehiago jaso du harrezkero. Azkena, Kritikaren Saria. Hona hemen berak idatzitako zenbait liburu: Dudular, Pic-Nic zuen arbasoekin, Nafarroako artizarra, Londresen nago aitonarekin, Filipinetan bizi den idazlearen kontuak, Izua Hemen, Bederatzi gutun t'erdi, Lehen amodioa Suedian, Kilkirra eta Roulottea, Euliak ez dira argazkietan azaltzen…

-----------