Arantxa Urretabizkaia Donostian jaio zen 1947an. Telebistan eta irratian lan asko egina da, baita zine gidoigile gisa ere. Albaniako Konkista filmean berak egin zuen lan hori, baita Zergatik Panpox filmean ere. Alabaina, nobelak idaztea du gustukoen Urretabizkaiak. Zergatik Panpox (1979) nobelak lortu du idazlearen lanen artean arrakastarik handiena. Honako hauek izan ziren egilearen hurrengo narratiba lanak: Aspaldian Espero zaitudalako ez nago Sekula Bakarrik (1982), Saturno (1987) eta gazte-literaturan Aurten Aldatuko da Nire Bizitza (1992). 1982an Maitasunaren Magalean poesia liburua argitaratu zuen. Ez zen hori, ordea, egilearen lehen poesia saioa, ordurako argitaratua zuen "San Pedro Bezperakoak" poema luzea.

-----------