Liburu honetan esaten zaigun bezala, Mikel Laboak haur psikiatrian espezializatzen ziharduen Bartzelonan eta harremanak zituen Nova Cançó mugimenduko kantariekin. Bera izan zen aitzindarietakoa euskal kanta zaharrak ahanzturatik berreskuratze lanean eta, harmonizatze gehiegizkoen iztukaduratik libratuz, melodiaren garbitasun jatorrizkoa azalarazteko eginahalean batez ere. Gehienen antzera, gitarra xume baten laguntza bakarraz jarduten zuen eginkizun horretan, zenbaitek oso ondo ikusten ez zuena -gitarrarena, espainola delako- eta, egun gezurra dirudien arren, gogorarazi behar izan zitzaien Iparragirrek musika tresna horren laguntzaz konposatu zuela "Gernikako arbola".

Ramon Saizarbitoria

-----------