Nolakoa da gaur egun gure seme-alaben nerabezaroa? Nola bukatuko ote dute bizitzaren aldi garrantzitsu hau? Nolakoa izango da hamar urte barru nerabezaroa?
Drogazaletasun, sedentarismo, bortxakeria eta sexualitate oldarkor batetik eratorritako traumei buruzko datuak benetan beldurgarriak gertatzen dira… eta, epe laburrera behintzat, ez dirudi horiek guztiek hobera egin behar dutenik. Oinarrizko eta premiazko eginkizunetan dugun jokamoldeaz hausnarketa sakona egiteko nahiko motibo badugu.
Guraso bezala, gure seme-alabak osasuntsu, trebe eta zoriontsu haztea nahi dugu. Eta, gizarte gisa, gaztaro fisikoki, mentalki eta sozialki osasuntsua behar dugu, gaztaro trebatua eta solidarioa, guk ondo egin dugunari bultzada berria emateko gai izango dena.
Honela dio Alvin Tofflerrek, gaurko unibertso intelektualeko ahots nagusietako bat denak: "Aldaketa izugarrizko garai batean, gure etorkizunari buruz galderarik zabalenak egitea ez da jakin-min intelektualezko auzia huts-hutsik. Iraupen auzia da".
Liburu hau hezkuntza fisikoan eta jarduera fisikoan barneratzen da apur bat, bata zein bestea bizitza estilo osasuntsu eta orekatu baten funtsezko osagaiak direlakoan. Ozta-ozta bustitzen ditu oinak erronka eta aukeratu beharreko posibilitateetan.

-----------