"Batzuetan horrelako gorputzaldia
uzten dio parrandak,
urduria, petrala, gogaikarria,
eta ez daki zergatik;
edari-konbinaketa gaitza agian,
norbaitek piztu zuen
eztabaida mingotsa beharbada,
emaztearekin egindako larrujotze
laburra, pobrea, zirrarabakoa bestela…
ez daki.
Eta leihoan dago,
negua itxuraldatu duen
udaberriko eguraldi zoragarria dastatzen.
"Manifaren bat balego arratsaldean",
diotsa emazteari,
"nagiak kentzeko…"

-----------