Alargun gelditu den berrogei urte inguruko gizonezkoa du nobelak protagonista. Luis itsasgizona da, eta munduko beste muturrera eraman ohi zuen maiz bere itsasontziak; halakoetan, askotan gertatzen zitzaion astuna denbora, eta ohituta zegoen whisky zangada batzuk hartzen. Oporraldi batean, baina, maitasunak ekarritako erabakiak hartu beharrean egokitu da Luis. Maite, hogeita hamar urte inguruan dabilen neskalagun berria, senarrak edariari zion atxikimendu larriarengatik dago bananduta. Bataren tragotxo bat baino ez, eta bestearen whisky tanta baten usaina ezin jasana direla-eta, leize sakona zabalduko da maitemindu berrien artean. Luisen bizitza luze eta ohitura zaharrek estropezu egingo dute Maiteren erabakiarekin, oso argi ikusten baitu hark inola ere nahi ez duena.

-----------